Ina ng Hapis

ol-and-jesus-on-crossIsang araw pagkatapos ng pagtatampok sa krus, ginugunita naman natin ngayon ang ang ating Mahal na Ina, ang Ina ng Hapis, si Maria.

Anng tradisyong ito ng pag-aala-ala sa Ina ng Hapis ay nagsimula pa noong ika-labing apat na siglo, at tumutukoy sa pitong pangyayari sa buhay ng ating Panginoong nagdulot ng pasakit sa kanyang puso.

Tampok sa ating Ebanghelyo ngayon ang isa sa pitong ito. Narinig natin na nang nakabayubay ang Panginoong Hesus sa krus, naroroon si Maria sa paanan nito.

Matipid ang detalyeng binigay sa atin ni San Juan (Juan 19:25-27).

Hindi niyo  inilarawan kung ano nga ba ang ginagawa ni Maria sa pagkakatayo sa baba ng krus—hindi natin narinig kung umiyak nga ba siya, o kaya naman ay kung sinumbatan niya yung mga nagparusa sa Anak niya.

Ang tanging detalye lang na narinig natin ay naroroon siya sa paanan ng krus, kasama ng ating Panginoong dahang-dahang binabawian na ng buhay.

Sinasalamin ng ating Mahal na Ina ang pangaral ni San Pablo sa unang pagbasa (1 Kor 15:1-11).

Si Hesus ang naging sandigan ng kanyang buhay. At ang hapis na naramdaman niya ay hindi naging sagabal upang huminto siya sa pagsunod sa Panginoon. Ang kanyang pag-ibig kay Kristo ay higit na matimbang pa kaysa dito.

Sa Eukaristiyang ito, ipanalangin nating matularan natin ang ating Mahal na Ina sa kanyang halimbawa ng pagsunod sa Panginoon, kahit na alam nating may kapalit ito, kahit na alam nating may sakripisyong naghihintay sa atin sa pagsunod sa Kanya.

Dahil sa kabila ng lahat, ang Misang ito ay isang pag-gunita sa Kanyang pag-aalay ng buhay para sa inyo at para sa akin.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s